21/1/15

Austria (República)

Enllaz: 2 euros conmemorativos austríacos


Primer serie (2002- )

     L’autor de los diseños de les monedes foi l’artista austríacu Josef Kaiser, de la Casa de la Moneda austríaca. Los diseños foron escoyíos por una comisión nacional y sometiéronse a l’aprobación pública mediante sondeos d’opinión.

     Cada moneda lleva un diseñu distintu y, a la so vez, van agrupáes en miniseries dedicáes a aspeutos relevantes del país.

     La moneda va ensin la marca de la ceca (Münze Österreich), asitiada en Viena. La fecha inclusa ye la d’emisión, poro, la primer tirada ye del 2002. Nun hai marca identificativa’l país salvo la bandera, y repite nel anversu nacional el valor monetariu de la pieza (el so nome n’alemán  nel casu los cobres), polo que ya nun cumple dos normes de diseñu.


1, 2 y 5 céntimos

     Estes tres monedes conformen una piquiña serie floral alpina austríaca. La serie quier simbolizar el deber de respetar la Naturaleza y el papel qu’Austria desendolca nel desarrollu de la política medioambiental comunitaria.

     La moneda d’1 céntimu lleva grabada una Gentiana acaulis (flor de xenciana), que ye ún de los emblemes nacionales. Alrodiu la flor, la lleenda EIN EURO CENT (ún céntimu d’euru) y la bandera austríaca xunto al añu d’emisión; remata’l diseñu un aniellu coles 12 estrelles de la XE en relieve.




     La moneda de 2 céntimos lleva grabada una Leontopodium alpinum (flor de les ñeves ó edelweiss), otru emblema nacional. Alrodiu la flor, la lleenda ZWEI EURO CENT (dos céntimos d’euru) y la bandera austríaca xunto al añu d’emisión; remata’l diseñu un aniellu coles 12 estrelles de la XE en relieve.




     La moneda de 5 céntimos lleva grabada una primula alpina (flor de primavera alpina). Alrodiu la flor, la lleenda FÜNF EURO CENT (cincu céntimos d’euru) y la bandera austríaca xunto al añu d’emisión; remata’l diseñu un aniellu coles 12 estrelles de la XE en relieve.




10, 20 y 50 céntimos

     Los céntimos gordos tán dedicáos al arte arquitectónicu austríacu, escoyendo pa ello tres edificios simbólicos de Viena.

     La moneda de 10 céntimos lleva grabada les torres de la Sée Catedral de San Esteban, una de les xoyes del arte góticu vienés y llugar de reconocíu interés turísticu. La lleenda 10 EURO CENT y la bandera austríaca col añu d’emisión; remata’l diseñu un aniellu coles 12 estrelles de la XE en relieve.




     La moneda de 20 céntimos lleva grabada la verxa del Palaciu Belvedere, ún de los palacios más guapos del barrocu austríacu. Equí roblose’l tratáu que reinstauró la soberanía del país en 1955, poro, pa los austríacos esti edificiu ye sinónimu de llibertá. Lleenda 20 EURO CENT y bandera austríaca col añu d’emisión; remata’l diseñu un aniellu coles 12 estrelles de la XE en relieve.



     La moneda de 50 céntimos lleva grabáu l’Edificiu de la Secesión, n’estilu Art Nouveau y qu’illustral nacimientu del Modernismu austríacu (Sezession), como símbolu del surdimientu d´una nueva era, a mou de ponte simbólica haza una nueva era monetaria. Lleenda 50 EURO CENT y la bandera austríaca col añu d’emisión; remata’l diseñu un aniellu coles 12 estrelles de la XE en relieve.



 1 y 2 euros

     Les monedes gordes tán dedicáes a personaxes destacáos del país.

     Na moneda d’1 euru aparez el retratu del famosu compositor austríacu, Wolfgang Amadeus Mozart, sobrayando la reputación d’Austria como centru mundial de la música. Lleenda 1 EURO y bandera austríaca col añu d’emisión; remata’l diseñu un aniellu coles 12 estrelles de la XE en relieve.




     Na moneda de 2 euros aparez la imaxe de la militante pacifista y Premiu Nobel de la Paz Bertha von Suttner, símbolu de los esfuerzos desplegaos por Austria durante décades pa sofitar esta causa. Lleenda 2 EURO y bandera austríaca; añu d’emisión; remata’l diseñu un aniellu coles 12 estrelles de la XE en relieve.



    Nel cantu la moneda 2 euros aparecen el valor y el nome la mesma ente estrelles:

No hay comentarios:

Publicar un comentario