En
12 años, na menos que 4 series acuñó Bélxica, solo superada pol Vaticanu. Too
ello por querer cumplir col Reglamentu de la XE y... facelo mal. Na segunda serie,
aparte axustar el diseñu a la nueva norma, nun se –yos ocurre otra que retocar
el bustu del rei pa remocicalu y asina nun cumplir cola norma de nun facer
cambios na efixe’l rei hasta que nun pasaren 15 años dende la primer acuñación.
Pa iguar esti fallu, sacaron una tercer serie. Paez mentira que seyan mediu
xermánicos.
Primer
serie (1999-2007)
El diseñu de la primer serie de monedes de
Bélxica ye obra de Jan Alfons Keustermans, direutor de l’Academia Municipal de
Belles Artes de Turnhout. Céntrase na efixe
del rei Albertu II xuntu col monograma real (una A enriba d’un II rematada
por una corona real) nel aniellu esterior; completen l’aniellu les doce
estrelles que simbolicen la bandera europea y l’añu d’acuñación. La ceca tá en Bruseles (MonnaieRoyale de Belgique / Koninklijke Munt van België), y nun aparez la la so marca n’esta serie
Segunda
serie (2008)
Bélxica actualizó la so cara nacional p’axustase
a les direutrices comunes de la XE. L’intre la moneda muestra la efixe del rei Alberto II, de perfil a
manzorga y actualizada (aunque malapenes se nota). A mandrecha, el monograma
real y, debaxu d’ésti, l’abreviatura del país BE. Sola efixe aparez l’añu d’acuñación
cola novedá de qu’aparecen la marca’l direutor de ceca a manzorga y la marca la
ceca a mandrecha la fecha. L’aniellu esterior muestra les doce estrelles de la
bandera europea.
Tercer
serie (2009-2013)
Bélxica tuvo de sacar
una tercer serie por camudar la efixe del rei. El Conseyu Européu dictaminare
que “nun deberá realizase nengún cambiu
nes efixes los monarques de les monedes en circulación hasta pasaos 15 años,
salvo en casu de cambiu o defunción del Xefe d’Estáu grabáu nes monedes”.
Como la segunda serie apareció enantes de los 15 años, emitiose una tercer
serie na que se mantienen los cambios de la segunda pero cola efixe real de la
primer serie.
Cuarta
serie (2014- )
El 21 de xunetu del 2013 el
rei Albertu II abdica nel so fiu Felipe de Brabante, polo que Bélxica entama
una nueva serie cola efixe del nuevu rei, que mira de perfil a mandrecha, daqué
tradicional en delles monarquíes qu’implica que’l monarca qu’acuñe moneda por
primer vegada ha de mirar pa esi lláu, y camudar a manzorga nes series
posteriores. Tres la efixe’l rei, aparez l’abreviatura del país emisor, BE y
enriba d’elli el monograma real (FP coronáes:). Na parte inferior vién l’añu
acuñación cola marca de ceca a mandrecha y la del direutor de la mesma a
manzorga. Too ello queda arrodiao poles 12 estrelles de la XE. El diseñu ye de
Luc Luycx.
Les
marques identificatives belgues
Como diximos, les monedes belgues lleven
grabáes nes monedes la marca de la Casa de la Moneda (ceca) y la marca’l
direutor de la mesma. Esta última, conozse internacionalmente col nome de privy mark (marca privada) y sirve pa
identificar a deles persones relacionáes cola moneda (direutores de ceca,
grabadores y diseñadores, principalmente).
Nel casu belga, estes son les marques a
destacar:
La marca de la Casa de la Moneda de Bélxica ye la tiesta del Arcánxel Samiguel (patrón de Bruseles) coronada con una cruz.
Como los cargos suelen ser cambiantes, la ceca belga ya tuvo dellos direutores y ca ún cola so marca. Vese n’esti cuadru:
Nel cantu la moneda de 2 euros aparez
grabáu el valor de la moneda ente estrelles:
No hay comentarios:
Publicar un comentario