Primer serie (2008- )
L’artista grecuxipriota Tatiána
Sotirópoulos (Τατιάνα Σωτηρόπουλος), en collaboración col estadounidense
Erik Maell, foron los encargaos de diseñar los tipos de los euros de Xipre nel
típicu esquema 2-3-3.
Xipre nun tién ceca propia, poro,
de l’acuñación encárgase la de Vantaa (Finlandia); nes monedes nun vién ninguna
identificación. Sí vién comu identificador del país el so nome en griegu y en
turcu: KYΠPOΣ – KIBRIS. La fecha
de la impronta ye la d’emisión, poro, les primeres monedes daten del 2008.
1, 2 y 5 céntimos
Nos cobres aparez una pareya Muflones, una especie d’oveya xabaz que
s’alcuentra en too Europa, pero que tuvo al borde’l desaniciu esceuto en Xipre, polo qu’agora ye representativu de la fauna de la isla. Identificación
del país KYΠPOΣ KIBRIS en griegu y turcu, entemediu dambos
dos, l’añu d’emisión. Arrodien el diseñu les 12 estrelles de la bandera de la
XE.
10, 20 y 50 céntimos
Nos céntimos d’oru nórdicu aparez la Nave de Kyrenia, embarcación mercante
del sieglu IV e. de C. siendo la única nave de la Grecia Clásica que se
conserva anguañu y que simboliza la historia de la navegación de Xipre y la so
importancia como centru del tráficu comercial marítimu. Identificación del país
KYΠPOΣ
KIBRIS en griegu y turcu, entemediu dambos dos, l’añu d’emisión. Arrodien
el diseñu les 12 estrelles de la bandera de la XE.
1 y 2 euros
Nos euros aparez l’Ídolu de Pomos, muyer cruciforme del períodu calcolíticu (3000 e.
de C.). Esta muestra carauterística del arte prehistóricu de la isla ye un
testimoniu de los sos vieyos raigaños y de la posición central de Xipre nel
desarrollu de la civilización. Identificación del país KYΠPOΣ
KIBRIS en griegu y turcu, entemediu dambos dos, l’añu d’emisión. Arrodien
el diseñu les 12 estrelles de la bandera de la XE.
Nel cantu la moneda de 2 euros aparez el
valor y el nome de la mesma en griegu y en turcu:
No hay comentarios:
Publicar un comentario