Primer
serie (2007- )
Eslovenia foi el primer país, tres
l’ampliación del 2010, n’aceutar la nueva moneda europea. Les monedes eslovenes, aparte de tener la so
propia cara nacional, diben aplicar los
nuevos cambios de la cara común aprovaos pol BCE pal añu 2008. Les primeres
monedes aparecen col añu 2007 grabáu na impronta, poro, trátase del añu
d’emisión.
Como tolos países pertenecientes a l’antígua
Yugoslavia, esti xoven y pequeñu país adriáticu esalta en tou momentu les sos
señes d’identidá pa difuminar los posibles vestixos de la nación dominante
(Serbia) dientro de la dixebrada república de Tito; poro, nes sos monedes d’euru
destaquen personaxes relevantes asina como señes autóctones del país. Les
monedes son diseños de Miljenko Licul, Maja Licul y Janz Boljka.
Eslovenia nun tién Casa de la Moneda
propia, asina qu’ha de mandar facer fora les sos monedes. La primer ceca en
facer los encargos foi la de Vantaa (Finlandia) en 2007, marcada coles lletres Fi na estrella de les seis en puntu; a
partir de 2008, la ceca escoyía foi la d’Utrecht (Paises Baxos) marcada col Caduceu
y la marca’l so direutor (el veleru de Maarten Brouwer). A partir de 2009, sigue
Utrech pero ensin marques.
 |
| Marques de les ceques nes monedes |
 |
| Marca privada del direutor d'Utrech Maarten Brouwer |
1, 2 y 5 céntimos
La moneda d’1 céntimu recueye una
cigüeña a semeyanza de les monedes
de 20 stotinov (céntimos de tolan, l’anterior divisa eslovena). Del añu d’emisión
ñaz y muerre un círculu coles 12 estrelles de la XE intercaláes col nome del
país, SLOVENIJA.
La moneda de 2 céntimos representa la Piedra
del Príncipe o Piedra d’entronización del Soberanu. Rialmente, la mencionda
piedra ye la base base d’una columna
romana onde, sigún la tradición, s’engolaba’l Duque o Príncipe de Carintia
(Eslovenia y un cachín d’Austria) tres la so coronación. Del añu d’emisión ñaz
y muerre un círculu coles 12 estrelles de la XE intercaláes col nome del país,
SLOVENIJA.
La moneda de 5 céntimos muetra la pintura el
semador d’estrelles, del artista Ivan Grohar. Del añu d’emisión ñaz y
muerre un círculu coles 12 estrelles de la XE intercaláes col nome del país,
SLOVENIJA.
10, 20 y 50 céntimos
La moneda de 10 céntimos persenta’l diseñu non realizáu del edificiu del Parlanetu Nacional, obra de Jože
Plečnik. Alredor del edificiu, la lleenda
KATEDRALA SVOBODE (Catedral de la Llibertá). L’añu d’emisión aparez sol
grabáu. Too ello va arrodiao d’un círculu coles 12 estrelles de la XE
intercaláes col nome del país, SLOVENIJA.
La moneda de 20 céntimos muestra dos caballos
lipizzanos cola inscripción LIPICANEC. Del añu d’emisión ñaz y muerre un círculu
coles 12 estrelles de la XE intercaláes col nome del país, SLOVENIJA.
La moneda de 50 céntimos muestra la montaña
Triglau y la constelación de Cáncer (Eslovenia independizose baxo’l signu zodiacal de Cáncer); alredor, el
versu de Jakob Aljaž OJ TRIGLAV MOJ DOM (Oh Triglau, mio llar). Del añu
d’emisión ñaz y muerre un círculu coles 12 estrelles de la XE intercaláes col
nome del país, SLOVENIJA.
1 y 2 euros
La moneda d’1 euru muestra’l bustu de Primož
Trubar (sieglu XVI), reformador protestante, predicador y autor de los dos
primeros llibros impresos en llingua eslovena (Catechismus y Abecedarium).
Lleenda: STATI INU OBSTATI
(caltenese y esistir) sacada del so llibru Catechismus.
Nel aniellu esterior, del añu d’emisión ñaz y muerre un círculu coles 12
estrelles de la XE intercaláes col nome del país, SLOVENIJA.
La moneda de 2 euros muestra la silueta del
poeta France Prešeren y el
primer versu de la sétima estrofa del himnu nacional eslovenu: Shivé naj vsi naródi (Bendites seyan
toles naciones). Nel aniellu esterior, del añu d’emisión ñaz y muerre un círculu
coles 12 estrelles de la XE intercaláes col nome del país, SLOVENIJA.
Nel cantu de la moneda de 2 euros aparez
el nome del país:
No hay comentarios:
Publicar un comentario