Primer serie (2011- )
Les monedes d’euro estonies muestren,
aunque nun lo pareza, tres patrones distintos d’un diseñu xeneral pa les ochu
monedes. El diseñu ye obra de Lembit Lõhmus nel que se ve un mapa d’Estonia coles isles de Saaremaa al
sur y Hiiumaa al norte, aparte del llagu
Võrts (n’estoniu Võrtsjärv) na mitá meridional del mapa, sol qu’aparez el nome del
país como elementu identificador del emisor: EESTI (Estonia). L’añu d’emisión
tá enriba’l mapa. Les 12 estrelles de la XE arodien el diseñu.
Esti foi’l diseñu ganador d’ente diez,
obteníu mediante votación popular telefónica, y que se fexo públicu n’avientu
de 2004. Como Estonia nun tién ceca propia, ye la de Vantaa (Finlandia) la
encargada de facer les acuñaciones ensin poner marca nenguna.
Les diferencies ente los mapes, sigún la
moneda, son bien sutiles:
Nos céntimos el mapa’l país ta grabáu
en baxurrelieve, mentantu nes monedes d’euros tá en relieve positivu.
Nes monedes d’euros aparez, nel
sudeste del mapa, una llixera llomba que representa’l monte más altu d’Estonia,
el Suur Munamägi, o gran monte del güevu, de 318 metros.
Y solo na moneda de 2 euros aparecen
otros 2 accidentes xeográficos estonios: nel grupu d’isles de Saarema inclúin
una islina, la de Nootamaa, que ye’l puntu más occidental del país; el segundu
accidente xeográficu ye otra isla, la de Vaindloo, el puntu más setentrional d’Estonia,
que pue vese arriba a mandrecha del añu emisión.
 |
| Detalle de la moneda de 2 €. Aparecen señaláes les isles de Nootamaa (izquierda) y Vaindloo (arriba), que nun tán nel restu monedes. |
Nel cantu de la
moneda de 2 euros aparez repetíu el nome del país.
No hay comentarios:
Publicar un comentario