Finlandia (República)

Enllaz: 2 euros conmemorativos finlandeses

     L’añu que va impresu nes monedes finlandeses ye l’añu acuñación, poro, les primeres monedes foron acuñáes nel 1999. La Ceca ye la de Helsinki-Vantaa (Rahapaja Oy Mint); la so marca nun s’entamó a grabar nes monedes hasta la primer igua de 2007, la M qu’aparez grabada (y que foi sustituyía pola de la ceca dende esi añu) ye la marca del direutor de la mesma, Raimo Makkonen.

Primer Serie (1999- )

1, 2, 5, 10, 20 y 50 céntimos   

     Les monedes representen un llión heráldicu, reproducción d’una obra del escultor Heikki Häiväoja. Ye un motivu mui recurrente nel acuñamientu de monedes finlandeses a lo llargo de los años, por exemplu, na moneda d’1 marcu finés d’ente 1964 y 2001. Lleven grabáu l’añu d’acuñación y la marca del direutor de ceca, too ello arrodiao de les12 estrelles la Xunión.

     Les monedes d’1 y 2 céntimos acúñense solo pa colleicionistes, ya que nun se usen na práutica (Filandia decidió arredondiar los precios nos céntimos, finandu asina en 5 ó 0); dafechu, Finlandia defende’l desaniciu d’estes dos monedes.

1 y 2 euros

     La moneda d’1€ recueye l’esnalar d’una pareya de cisnes (el cisne cantor ye l’ave nacional finés) obra del artista Pertti Mäkinen. Esti motivu foi presentáu nun concursu convocáu pal diseñu d’una moneda conmemorativa del 80 aniversariu de la independencia de Finlandia. Lleva grabáu l’añu d´acuñación y la marca del direutor de ceca, too ello arrodiao de les12 estrelles la Xunión.

     La moneda de 2€ muestra la flor y frutu del rubus chameromus (mora los pantanos) diseñu de Raimo Heino. Lleva grabáu l’añu d’acuñación y la marca del direutor de ceca, too ello arrodiao de les12 estrelles la Xunión.

     Nel cantu la moneda 2 euros aparez el nome del país nos dos idiomas oficiales (finés y suecu) xuntu a 3 lliones (sigún ellos):

Primer igua (2007)

     Finlandia fai un par de retoques na so cara nacional p’amoldase a les direutrices de la Xunión, poro, inclúi nes monedes l’abreviatura del nome del país, Fi. Tamién sustitúi la marca’l direutor de la ceca finesa pola marca de la ceca en sí (una Cornucopia o Cuernu la Bayura con cuatru monedes).

     Estos retoques aparecen nes monedes acuñáes a partir de xineru del 2007. Dao que los diseños orixinales nun camuden, nun se la considera una nueva serie, sinon una igua, ya que los motivos representaos nun cambien, solo la situación na moneda.

Segunda igua (2008)

     Nel añu 2008 Finlandia tuvo que facer un segundu retoque ya que nel aniellu esterior solo pueden aparecer les 12 estrelles de la XE; poro, les monedes fineses tovieron qu’asitiar la marca la ceca pal intre la moneda.

   A partir del 2010, la marca la ceca (la cornucopia) ye suplía pol llión finlandés.

Enllaz: 2 euros conmemorativos finlandeses