Enllaz: 2 euros conmemorativos franceses
Primer serie (1999- 2022)
Más de 1.200 diseños tuvo qu’esaminar una comisión d’espertos formada por
numismáticos, artistes, diputaos, parlamentarios, representantes d’asociaciones
profesionales, asina como personaxes destacaos como Christine Scrivener,
ex-miembru de la Comisión Europea; Emmanuel Constans, direutor de la
Fábrica de la Moneda de París; Pierre Rodier, grabador xeneral, o l’actriz
Irène Jacob, y como presidente de la mesma, el Ministru d’Economía y
Facienda.
La Ceca
francesa ye la Monnaie de Paris (con fábrica en Pessac) y la so marca identificativa ye una Cornucopia o Cuernu la Bayura.
L’esquema emplegáu pa facer el diseñu les sos
cares nacionales foi’l perconocíu 2-3-3. Les primeres pieces tán dataes nel
1999, poro, falamos del añu d’acuñación.
Aparte la marca la ceca, nes monedes
franceses aparecen tamién les marques privaes de los grabadores xenerales de la mesma, asina como los nomes de los diseñadores de los tipos. Hasta la fecha, estos son
los grabadores xenerales de la Monnaie de Paris y les sos marques:
(5) AG (Atelier de Gravure); MP (Monnaie de Paris
et Pessac); YS (Yves Sampo)
Los nomes de los diseñadores de cada
grupu, asina como les sos marques, van integráos nos capítulos dedicáos a los
distintos tipos.
La identificación del país emisor ye
l’abreviatura RF (République française)
El
símbolu alegóricu humanizáu de la República francesa siempre foi un rostru
femenín, el de Marianne (que nun ye un personaxe
real). N’esti tipu, vese una Marianne xoven
y femenina, con xeitu marcáu, que personifica’l deseu d’una Europa sólida y
duradera. Una grabadora de la mesma Casa de la Moneda de París, Fabienne
Courtiade, foi l’autora del diseñu; el so nome apaez grabáu na moneda, xunto
col añu d’acuñación, la marca la ceca y la del so direutor. El monograma
identificador del país apaez de llau de la cara con lletres estilizaes. Les
12 estrelles de la Xunión arrodien la imaxe.
F.
Courtiade (Fabienne
Courtiade)
10, 20 y 50 céntimos
El motivu
principal del diseñu ye La semadora, obra orixinal del artista
Oscar Roty 1 y adautada pol diseñador Laurent Jorlo
pa los céntimos gordos. La figura en sí ya yera tónica constante nos tipos del
desaniciáu francu francés. Según l’autor (Laurent): "esta imaxe,
atemporal y moderna a la vez, representa a una Francia que se caltién fiel a sí
mesma, al tiempu que s’integra n’Europa". El
so nome apaez grabáu na moneda, xunto col añu d’acuñación, la marca la ceca y
la del so direutor, asina como les lletres identificatives del país. El rayáu
horizontal a manzorga, el vertical a mandrecha y el fondu llisu entemediu
d’ambos dos, representen la bandera francesa. Les 12 estrelles de la
Xunión arrodien la imaxe.
 |
| L. JORIO d'ap. O.ROTY (Laurent Jorio adautando a Oscar Roty) |
1 En 1898, Oscar Roty creó la famosa imaxe
de La Semeuse (La Semadora) pa les monedes de plata de la Tercer República. La
semadora grabose tamién nes monedes de 10, 20 y 50 céntimos del francu francés anterior al euru.
Con esta inscripción se-y atribúi el diseñu orixinal del gabáu.
L’artista Joaquin Jimenez diseñó esti Árbole de la Vida estrelláu, como símbolu de la vida, la continuidá y el
crecimientu, nel centru d’un hexágonu (que ye la representación esquemática del
mapa de Francia) arrodiáu pol lema republicanu francés Liberté, Egalité,
Fraternité. El so nome apaez grabáu na moneda, xunto col añu d’acuñación,
la marca la ceca y la del so direutor, asina como les lletres identificatives
del país. Les 12 estrelles de la Xunión arrodien la imaxe.
J. Jimenez (Joaquim Jimenez)
Nel cantu la
moneda 2 euros aparez grabáu el típicu esquema del 2 coles estrelles
ximielgues.
Segunda serie (2022-)
Nel 2022 Francia camuda’l diseñu de
les sos monedes d’1 y 2 euros, calteniendo’l diseñu pa los céntimos. L’encargáu
de renovar el diseñu, foi l’agora grabador xeneral de la Monnaie de Paris, Joaquin Jimenez, el mesmu que ya fixere’l diseñu
de la primer serie.
La base del diseñu ye la mesma, un Árbole de la Vida, más contemporáneu,
formáu por cañes y fueyes de roble y olivu (como símbolos de fuercia, xusticia
y paz). Pel tueru xube una savia que representa los valores históricos de la
nación, nacíos de los raigaños, equí representaos pol acrónimu RF (République
française). Les fueyes, simbolicen la diversidá de la ciudadanía francesa y
apunten haza les estrelles europées como indicativu de la xuntanza ente
pueblos; nes más altes y centrales, pue lleese’l lema de la República: Liberté, Egalité, Fraternité.
L’hexágonu (o los hexágonos) faen referencia al progresu de la nación. Baxo,
puen vese, la marca de la ceca y la marca del grabador xeneral, que ye’l mesmu
que firma na pieza como diseñador, J. Jimenez. Nel aniellu esterior, como
siempres, les estrelles de la Xunión europea. La moneda de 2 euros caltién el
mesmu grabáu nel cantu que’l de la primer serie.
Enllaz: 2 euros conmemorativos franceses
No hay comentarios:
Publicar un comentario