Primer serie
(2002- )
El ministru d’Economía y Facienda y el gobernador del Bancu de Grecia (Τράπεζατης Ελλάδος) escoyeron los diseños, pa
la cara nacional de les monedes n’euros correspondientes a esti país, d’ente
varies propuestes presentáes por una comisión téunica y artística.
El diseñador
de los motivos ganadores, ún pa cada denominación, foi l´escultor
Georges Stamatopoulos (Γεώργιος
Σταματόπουλος) na moneda vienen grabáes les sos iniciales
(ΓΣ) , que recibió el patrociniu del Bancu de
Grecia. Los diseños conformen una minicolleición inspirada en personaxes
históricos, la vida mariñana y, como non, na mitoloxía clásica.
Grecia entró nel club del euru dos años
más tarde que los otros once, nel 2001, poro, tuvo que pidir sofitu a dellos
países europeos pa poder acuñar la gran bayura monedes que necesitaba pa
poneles en circulación el primeru de xineru del 2002. El sofitu víno-y de les
Cases de la Moneda d’España, Francia y Finlandia, aparte de la suya, que tá
asitiada en Halandri (Atenes).
Les monedes griegues lleven grabáes el
logu de la so ceca (una fueya d’Acanthus mollis, acantu) y, nel casu de les acuñáes nes otres ceques, tamién una
lletra identificativa del país sofitador. D’esti mou, podemos atopamos monedes
cola fecha d’emisión 2002 con o ensin lletra identificativa (un detallucu pa
colleicionistes repunantucos). Les posteriores emisiones acúñense toes
n’Atenes.
Les lletres identificatives de los países
sofitantes podemos atopales grabáes nes estrelles qu’arrodien los diseños:
E na estrella de les 8 en puntu nos 20 céntimos;
F na estrella de les 8 en puntu nes monedes de
50 y 10 céntimos, na estrella de les 2 en puntu nes monedes de 5 y 2 céntimos y
na estrella de les 10 en puntu nes monedes d’1 céntimu;
S
na estrella de les 6 en puntu nes monedes d’1 y 2 euros.
Nun lleven marca distintiva del país, polo
que ya nun cumplen una de les normes europees. Lleva tamién el nome y el valor
de la moneda na so cara nacional, lo que tá permitío n’esti casu por tar
escritu nun alfabetu non llatín (en griegu, n’esti casu).
1, 2 y 5 céntimos
Esti
grupu tá dedicáu a la tradición mariñana griega a lo llargo los tiempos.
La
moneda d’1 céntimu reproduz un modelu avanzáu de trirreme, que data de
la época de la democracia ateniense (sieglu V e.C.). Esta nave de guerra surcó
los mares de l’Antigüedá durante más de 200 años. Lleenda 1 ΛΕΠΤΟ (1 leptó = 1
céntimu); l’añu grabáu ye’l d’emisión. Como marques lleva la de la ceca de Halandri (aparte la lletra F
na estrella, solo en delles pieces del 2002), y la del diseñador. Alreor, les
estrelles de la bandera de la XE.
La
moneda de 2 céntimos muestra una corbeta (o dromon), el tipu
d´embarcación usada durante la Guerra d´Independencia griega (1821-1827). Lleenda
2 ΛΕΠΤА (2 leptá = 2 céntimos); l’añu grabáu ye’l d’emisión. Como marques lleva
la de la ceca de Halandri (aparte la
lletra F na estrella, solo en delles pieces del 2002), y la del diseñador.
Alreor, les estrelles de la bandera de la XE.
La moneda de 5 céntimos reproduz un modernu buque cisterna que
reflexa l´espíritu innovador del seutor navieru griegu. Lleenda 5 ΛΕΠΤА (5 leptá
= 5 céntimos); l’añu grabáu ye’l d’emisión.
Como marques lleva la de la ceca de
Halandri (aparte la lletra F na estrella, solo en delles pieces del
2002), y la del diseñador. Alreor, les estrelles de la bandera de la XE.
10, 20 y 50 céntimos
El grupu de céntimos gordos tá dedicáu a personaxes relevantes de la historia contemporánea de Grecia.
La moneda de 10 céntimos tá dedicada a Rigas Velestinlís Feraios, Ρήγας
Βελεστινλής-Φεραίος (1757-1798) poeta;
precursor y figura representativa de la Illustración griega, que suañó
con una confederación balcánica llibre del poder otomanu. Lleenda 10 ΛΕΠΤА (10
leptá = 10 céntimos); l’añu grabáu ye’l d’emisión. Como marques lleva la de la ceca de Halandri (aparte la lletra F
na estrella, solo en delles pieces del 2002), y la del diseñador. Alreor, les
estrelles de la bandera de la XE.
La moneda de 20 céntimos rememora a Ioannis Antónios Capodistrias, Ιωάννης
Αντώνιος Καποδίστριας (1776-1831), políticu y diplomáticu que xugó un
destacáu papel tanto nel so país como n´Europa y foi el primer gobernaor de
Grecia (1830-1831) tres la Guerra d´Independencia llibrada por esti país
(1821-1827). Lleenda 20 ΛΕΠΤА (20 leptá = 20 céntimos); l’añu
grabáu ye’l d’emisión. Como marques lleva
la de la ceca de Halandri (aparte la lletra E na estrella, solo
en delles pieces del 2002), y la del diseñador. Alreor, les estrelles de la
bandera de la XE.
La moneda de 50 céntimos representa la efixe de
Eleftherios Kyriákou Venizelos, Ελευθέριος
Κυριάκου Βενιζέλος (1864-1936), una de les figures polítiques más
relevantes de Grecia. Pioneru nel campu les reformes sociales y diplomáticu de
renome, exerció una influencia clave na modernización del Estáu griegu y na iberación
del norte de Grecia y de les isles del Exeu. Lleenda 50 ΛΕΠΤА (50 leptá = 50 céntimos); l’añu grabáu ye’l d’emisión.
Como marques lleva la de la ceca de
Halandri (aparte la lletra F na estrella, solo en delles pieces del
2002), y la del diseñador. Alreor, les estrelles de la bandera de la XE.
1 y 2 euros
Les
monedes grandes tán dedicáes, como non, a la simboloxía y a la Mitoloxía de l´Antígua Grecia.
La
moneda d´1€ muestra una curuxa,
diseñu tomáu d´una antigua pieza ateniense de cuatru dracmes o tetradracma (s.V
e.C.). la curuxa yera l’animal totémicu de Palas Atenea, poro, ye’l símbolu de
la capital griega d’anguañu. Lleenda 1 ΕΥΡΩ (1 EURU); l’añu
grabáu ye’l d’emisión. Como marques lleva la de la ceca de Halandri (aparte la lletra S
na estrella, solo en delles pieces del 2002), y la del diseñador. Alreor, les
estrelles de la bandera de la XE.
La
moneda de 2€ representa una escena d’un mosaicu aparecíu n’Esparta (s. III
d.C.), na que se muestra el Raptu d’Europa
por Zeus (ésti camudose’n toru pa facer estil labor). Europa ye un
personaxe de la mitoloxía griega, del que toma’l nome el nuesu continente. Lleenda
2 ΕΥΡΩ (2 EUROS) ΕΥΡΩΠH (EUROPA); l’añu
grabáu ye’l d’emisión. Como marques lleva la de la ceca de Halandri (aparte la lletra S
na estrella, solo en delles pieces del 2002), y la del diseñador. Alreor, les
estrelles de la bandera de la XE.
Nel cantu la
moneda de 2 euros aparez la lleenda RepúblicaHelena,
xuntu a una estrella 5 puntes:
No hay comentarios:
Publicar un comentario