Primer serie (2002- )
N’Italia el diseñu de la cara nacional de
les monedes foi sometíu al escrutiniu d’una comisión téunica y artística
enantes de que se presentare a la nación na RAI UNO, la mayor cadena de
televisión del país. La rica Italia escoyó un diseñu pa cada moneda, faciendu
asina una mini colleición dedicada a l’arquitectura, les artes plástiques y
personaxes relevantes. L’añu grabáu ye’l d’emisión, poro, la primer tirada ye
del 2002.
La ceca (Istituto Poligraficoe Zecca dello Stato) vién
identificada con una R. La
identificación del país son una R y una I superpuestes.
Aparte, tamién aparecen nes monedes les iniciales de los grabadores (ún por
cada tipu).
1, 2 y 5 céntimos
Estes monedines tán dedicáes al arte arquitectónicu italianu.
La moneda d’1 céntimu tién
como motivu’l Castel
del Monte, Castiellu del sieglu XIII ubicáu n’Apulia. El diseñu ye
obra del grabador Eugenio Driutti
(les sos iniciales ED grabáes na
moneda). L’añu grabáu ye’l d’emisión, poro la primer tirada ye del 2002. Aparte
la marca privada del grabador, aparecen la marca de ceca y la identificación
del país. El diseñu lleva alreor les 12 estrelles de la XE.
La moneda de 2 céntimos muestra la Mole Antonelliana, torre concebida en
1863 por Alessandro Antonelli y asitiada en Turín. El diseñu ye obra de la
grabadora Luciana De Simoni (les sos iniciales LDS grabáes na moneda). L’añu grabáu ye’l d’emisión, poro la primer
tirada ye del 2002. Aparte la marca privada de la grabadora, aparecen la marca
de ceca y la identificación del país. El diseñu lleva alreor les 12 estrelles
de la XE.
La moneda de 5 céntimos reproduz l’anfiteatru de Flavio más conocíu como Coliseu
de Roma, cuya construcción entamó l’emperador Vespasiano alreor del añu 75 d.C.
Foi lluéu inauguráu nel añu 80 d.C. pol emperador Tito. El diseñu ye obra del
grabador Ettore Lorenzo Frapiccini
(les sos iniciales ELF grabáes na
moneda). L’añu grabáu ye’l d’emisión, poro la primer tirada ye del 2002. Aparte
la marca privada del grabador, aparecen la marca de ceca y la identificación
del país. El diseñu lleva alreor les 12 estrelles de la XE.
10, 20 y 50 céntimos
Estes monedes tán dedicáes a les Artes Plástiques italianes.
La moneda de 10 céntimos conmemora ún de los
másimos esponentes del arte italianu: el Nacimientu
de Venus, obra de Sandro Botticelli, una de les obres d’arte más famoses
del mundu. El diseñu ye obra de la grabadora Claudia Momoni (les sos iniciales CM grabáes na moneda). L’añu grabáu
ye’l d’emisión, poro la primer tirada ye del 2002. Aparte la marca privada de
la grabadora, aparecen la marca de ceca y la identificación del país. El diseñu
lleva alreor les 12 estrelles de la XE.
La moneda de 20 céntimos muestra la escultura nomada Formes Úniques de Continuidá nel Espaciu, d’Umberto Boccioni,
másimu representante del futurismu italianu. El diseñu ye obra de la grabadora Maria
Angela Cassol (les sos iniciales M.A.C.
grabáes na moneda). L’añu grabáu ye’l d’emisión, poro la primer tirada ye del
2002. Aparte la marca privada del grabador, aparecen la marca de ceca y la
identificación del país. El diseñu lleva alreor les 12 estrelles de la XE.
La moneda de 50 céntimos representa la Estatua Ecuestre del Emperador Marco
Aurelio sobre’l pavimentu de la plaza de la Colina Capitolina diseñáu pol
artista Miguel Ángel Buonarroti. El diseñu ye obra del grabador Roberto Mauri (la so inicial m grabada na moneda). L’añu grabáu ye’l
d’emisión, poro la primer tirada ye del 2002. Aparte la marca privada del
grabador, aparecen la marca de ceca y la identificación del país. El diseñu
lleva alreor les 12 estrelles de la XE.
1 y 2 euros
Estes monedes tán
dedicáes a dos de los más grandes personaxes
italianos: Davinci y Dante.
La moneda d’1€ reproduz el famosu Home de Vitruvio de Leonardo da Vinci,
illustrativu del ideal de proporciones del cuerpu humanu, que tá espuestu na
Galería de l’Academia de Venecia. El diseñu ye obra de la grabadora Laura
Cretara (les sos iniciales LC
grabáes na moneda). L’añu grabáu ye’l d’emisión, poro la primer tirada ye del
2002. Aparte la marca privada del grabador, aparecen la marca de ceca y la
identificación del país. El diseñu lleva alreor les 12 estrelles de la XE.
La moneda de 2€ muestra el retratu de Dante Alighieri fechu por Rafael, que
se conserva nel ala del papa Xuliu II del Palaciu del Vaticanu. El diseñu ye
obra de la grabadora Maria Carmela Colaneri (les sos iniciales M.C.C. grabáes na moneda). L’añu grabáu
ye’l d’emisión, poro la primer tirada ye del 2002. Aparte la marca privada del
grabador, aparecen la marca de ceca y la identificación del país. El diseñu
lleva alreor les 12 estrelles de la XE.
Nel cantu de la moneda de 2 euros aparez
una repetición d’un 2 y una estrella:
No hay comentarios:
Publicar un comentario