19/2/15

Malta (República)

Enllaz: 2 euros conmemorativos malteses


Primer serie (2008- )

     Malta escoyó los sos diseños por votación popular mediante’l teléfonu o los SMS. Tan solo los céntimos de cobre son obra dun diseñador, Noel Galea Bason (NGB nes monedes) el restu diseños son de dominiu públicu. L’esquema de los tipos ye’l típicu 2-3-3.

     Malta nun tién ceca propia, poro, el Bancu Central de Malta (Bank Ċentrali ta’ Malta) manda acuñar les sos monedes en Pessac (Francia); la so marca ye una F na estrella de les seis en puntu. La identificación del país ye’l so nome: MALTA. L’añu de la impronta ye’l d’emisión.

1, 2 y 5 céntimos

NGB
     Nos cobres aparez un grabáu representando el complexu de templos prehistóricos de Mnajdra, fechos alredor del 3600 e. de C. sobre un monte al llau la mar. El diseñu ye del grabador Noel Galea Bason (NGB baxo’l templu a mandrecha). Sol templu, la identificación del país: MALTA y l’añu d’emisión. Alredor del diseñu, les 12 estrelles de la XE baxu relieve.



10, 20 y 50 céntimos

     Esti ye l’Emblema de Malta; un escudu nel qu’aparez una representación heráldica de la bandera nacional maltesa baxu una corona mural que simboliza les fortificaciones de Malta y evoca la so condición de Ciudá Estáu. Dientro la bandera hai una pequeña cruz: La Cruz de San Xurde, másima condecoración civil británica otorgada a Malta pola so resistencia durante la II Guerra Mundial. L’escudu tá allendáu a manzorga por una rama d’olivu y a mandrecha por una palma, símbolos de la paz asociaos tradicionalmente a Malta, que faen una corona xunía a la so base por una estola en llazu col títulu Repubblika ta’ Malta. A dambos dos llaos del escudu la identificación del país, MALTA y l’añu d’emisión. Alredor del diseñu, les 12 estrelles de la XE.


1 y 2 euros

     Nos euros aparez l’Emblema de la Soberana Orden de Malta. Ente 1530 y 1798 Malta tuvo baxo’l dominiu d’esta orden relixosa-militar (enantes nomada de los Hospitalarios); el so emblema, la cruz d’ocho puntes, quedó relacionada asina cola isla; anguañu se-y noma habitualmente Cruz de Malta. Ente los pocos la cruz aparez la identificación del país emisor, MALTA y so al cruz l’añu d’emisión. Alredor del diseñu, les 12 estrelles de la XE.


     Nel cantu de la moneda de 2 euros aparez una variante del grabáu típicu: aparez un 2 con cruces malteses ximielgues (en vez de les estrelles):

No hay comentarios:

Publicar un comentario