Primer
Serie (2001-2005)
Mónacu alcuéntrase llegalmente nuna xunión monetaria
con Francia, polo que tién drechu a qu’esti país –y acuñe una cantidá
determináo de monedes. Como nun tién ceca propia, ye la Monnaie de París la
encargada de l’acuñacion d’euros monegascos na so fábrica de Pessac.
Fixéronse cuatru tipos de la nueva moneda:
ún pa los cobres, otru pa los d’oru nórdicu y diferenciáronse les monedes
gordes con dos diseños. Decatamos de que la fecha na impronta ye l’añu d’acuñación
(la primer acuñación data del 2001) y que vienen les marques identificatives de
la ceca (una cornucopia o cuernu la bayura) y del direutor de la mesma. La identificación del país
ye’l so propiu nome: MONACO.
 |
| Marca de los direutores de ceca. Serie 1 |
Nun cumplen
la norma europea no referente a les estrelles de la bandera (xunto a elles van
el nome’l pais emisor, l’añu acuñación y les marques de ceca y el so direutor).
1, 2 y 5 céntimos
Les
monedes d’1, 2 y 5 céntimos lleven l’escudu
d’armes de los Grimaldi, príncipes
soberanos de Mónacu. Alredor, el nome’l país emisor: MONACO, 12 estrelles en
dos grupos de seis y l’añu d’acuñación coles marques de ceca y direutor de la
mesma.
10,
20 y 50 céntimos
Les monedes de 10, 20 y 50 céntimos muestren el sellu real de los Grimaldi. Alredor, el nome’l país emisor: MONACO,
12 estrelles en dos grupos de seis y l’añu d’acuñación coles marques de ceca y
direutor de la mesma.
1
y 2 euros
Na
moneda d’1 euru aparez un doble retratu de les Sos Alteces Serenísimes el príncipe Rainiero III y el príncipe
herederu Albertu. Alredor, el nome’l país emisor: MONACO, 12 estrelles en
dos grupos de seis y l’añu d’acuñación coles marques de ceca y direutor de la
mesma.
La moneda de 2 € reproduz la efixe de S. A. S. el príncipe Rainiero III. Alredor, el
nome’l país emisor: MONACO, 12 estrelles en dos grupos de seis y l’añu d’acuñación
coles marques de ceca y direutor de la mesma.
Nel cantu la moneda de 2 euros aparez el
típicu del 2 coles estrelles ximielgues:
Segunda Serie (2006- )
Col ascensu al tronu del príncipe Albertu
II, fueron emitíes nueves monedes n´avientu de 2006. D’esti mou, aprovechose
tamién pa cumplir cola normativa europea
fixada pal 2008 (les estrellines de la bandera de la XE soles alredor del
diseñu. L’esquema pasa a ser el típicu 2-3-3 y la ceca sigui siendo la de Pessac.
 |
| Marca de los direutores de ceca. Serie 2 |
1, 2 y 5 céntimos
Les monedes
d’1, 2 y 5 céntimos lleven l’escudu d’armes
de los Grimaldi, príncipes
soberanos de Mónaco. No cimero l’escudu el nome del país emisor: MONACO y sol
mesmu l’añu d’acuñación allendáu poles marques de la ceca y el direutor de la
mesma. Alredor les 12 estrelles de la XE.
10,
20 y 50 céntimos
Les monedes
de 10, 20 y 50 céntimos muestren l’anagrama
de S. A. S. el príncipe Albertu II coronáu. No cimero’l anagrama el nome
del país emisor: MONACO y sol mesmu l’añu d’acuñación allendáu poles marques de
la ceca y el direutor de la mesma. Alredor les 12 estrelles de la XE.
1
y 2 euros
Efixe de S. A. S. el príncipe Albertu II.
No cimero la tiesta el nome del país emisor: MONACO y sola mesma l’añu d’acuñación
allendáu poles marques de la ceca y el direutor de la mesma. Alredor les 12 estrelles
de la XE.
No hay comentarios:
Publicar un comentario