Paises Baxos (Reinu)

Enllaz: 2 euros conmemorativos neerlandeses

Primer serie (1999- 2013)

     Les cares nacionales de les monedes de los Países Baxos, por llei, han de mostrar siempre la efixe del xefe l’estáu col so nome y el títulu Koning/Koningin (rei/reina) der Nederlanden (de los neerlandeses) que-y sirve tamién como identificador nacional. Pa los euros neerlandeses, Bruno Ninaber van Eyben diseñó dos imáxenes distintes de la reina Beatriz.

     La ceca ta n´Utrech (Koninklijke Nederlandse Munt) y la so marca ye’l Caducéu de Mercuriu (una vara d’olivu con dos sierpes entellazáes, símbolu d’esti dios romanu); aparte, apaez tamién la marca’l so direutor (dambes dos marques llindien l’añu acuñación nos céntimos; nos euros tan so’l títulu).

     L’añu na impronta ye’l d’acuñación, poro, los primeros euros daten del 1999. Ello fai que nos atopemos con monedes que lleven la marca privada de dellos direutores de ceca anteriores al añu oficial de la entrada en circulación de los euros:

     ¹ La estrella xunto a la marca’l direutor de ceca indica una etapa de transición, esto ye, qu’ente’l direutor saliente y el so sustitutu hai un direutor provisional. Ésti toma la marca del saliente y axúnta-y una estrella hasta que salga un nuevu direutor y la so marca.

     Mirái el casu de Maarten Brouwer: nel 2002 entró como direutor provisional (marca del saliente con estrella) pa llueu ser escoyíu definitivamente y marcar cola so identificación los del 2003 y posteriores.

     Los euros de Beatriz nun cumplen la norma de llevar les estrelles arrodiando’l diseñu a semeyanza de la bandera europea. Los tipos son dos, ún pa los céntimos y otru pa los euros.

1, 2, 5, 10, 20 y 50 céntimos

     Les monedes d’1, 2, 5, 10, 20 y 50 céntimos retraten a la reina Beatriz de perfil y arrodiada de 12 estrelles y un fondu punteáu. Alredor del diseñu va'l títulu BEATRIX KONINGIN DER NEDERLANDEN, xuntu l’añu d’acuñación llindiáu poles marques de ceca y el so direutor.

1 y 2 euros

     Les monedes d’1€ y 2€ muestren a la reina de perfil col títulu BEATRIX KONINGIN DER NEDERLANDEN dientru unos renglones en vertical y en paralelu al rostru, a semeyanza colos antiguos florines. De llau del títulu y n’horizontal apaez l’añu d´acuñación. Les 12 estrelles cubren sólo la mitá de la circunferencia de les dos monedes xunto a les marques de ceca y el so direutor.

     Nel cantu de la moneda de 2 euros apaez el llema neerlandés Dios seya con nos, el mesmu que venía grabáu nel cantu la moneda de 2 gulden (florines):

  

Segunda serie (2014- )

     El 28 xineru del 2013 la reina Beatriz I abdica nel so fiu Willem-Alexander (Guillermu-Alexandru), lo que fai que se produza un cambiu nos tipos de les monedes, según la llexislación europea no referente al cambiu de xefe del Estáu. El 31 d’ochobre, el Secretariu de Facienda Frans Weekers enseña los diseños de les nueves monedes, obra del fotógrafu neerlandés Erwin Olaf, qu’entamen a circular a metanes de xineru del 2014. Camudóse’l diseñu pa cumplir cola norma europea no referente a les estrelles de la bandera de la XE y caltiénse la tradición monárquica neerlandesa de facer mirar a manzorga al nuevu rei, por ser la primer vez qu’apaez la so efixe nuna moneda. La identificación del país sigue siendu’l títulu del rei, KONING DER NEDERLANDEN. Ceca d’Utrech.

     Sigue calteniendo el mesmu cantu y, de momentu, el direutor de la ceca continua siendo Maarten Brouwer.

1, 2, 5, 10, 20 y 50 céntimos

     Les monedes de 1, 2, 5, 10, 20 y 50 céntimos retraten al rei Guillermu de perfil y arrodiáu de les 12 estrelles de la XE. Frañendu’l bustu y en dos ringlones, el títulu WILLEM-ALEXANDER KONING DER NEDERLANDEN, coles marques de ceca y el so direutor a dambos dos llaos del nome. Tres la nuca tá l’añu d’acuñación. 

 1 y 2 euros

    Les monedes d’1€ y 2€ muestren al rei Guillermu de perfil mirandu pa tres ringlones col títulu WILLEM-ALEXANDER KONING DER NEDERLANDEN y l’añu d’acuñación entemediu la marca la ceca y el so direutor. Nel aniellu esterior les 12 estrelles de la XE.  



Enllaz: 2 euros conmemorativos neerlandeses