10/2/15

Portugal (República)

Enllaz: 2 euros conmemorativos portugueses


Primer serie (2002- )

      N’esti país escoyéronse tres diseños diferentes pa la cara nacional del euru ente les opciones presentáes nun concursu d’ámbitu nacional. El ganador foi’l diseñador Vítor Manuel Fernandes dos Santos (VS na moneda), quien s’inspiró en símbolos tomaos de la historia portuguesa y nos sellos del primer rei, Don Alfonso Henriques. La marca la Ceca de Lisboa (Imprensa Nacional – Casa de Moeda) vién impresa na moneda coles sigles INCM. L’añu que vién na impronta ye’l d’emisión, poro, les primeres monedes son del añu 2002. L’esquema de los tipos ye’l típicu 2-3-3.


1, 2 y 5 céntimos

      Les monedes d’1, 2 y 5 céntimos muestren el primer sellu real de 1134 cola lleenda: Portugal alredor. Arródialu un círculu de 7 castiellos, 5 escudos y otra vegada la palabra PORTUGAL como identificador del país emisor xuntu col añu d’emisión. Leva la marca del diseñador y  la marca la ceca. Les  12 estrelles de la bandera de la XE arrodien el diseñu (tán en baxu relieve).


 10, 20 y 50 céntimos

      Les monedes de 10, 20 y 50 céntimos tienen como motivu central el sellu real de 1142 cola lleenda: Portugal nel intre. Arródialu un círculu de 7 castiellos, 5 escudos y otra vegada la palabra PORTUGAL como identificador del país emisor xuntu col añu d’emisión. Leva la marca del diseñador y  la marca la ceca. Les  12 estrelles de la bandera de la XE arrodien el diseñu (tán en baxu relieve).


 1 y 2 euros

      Les monedes d’1 y 2 € tienen como motivu central el sellu real de 1144 cola lleenda: Portugal nel intre. Arródialu un círculu de 7 castiellos, 5 escudos y otra vegada la palabra PORTUGAL como identificador del país emisor xuntu col añu d’emisión. Leva la marca del diseñador y  la marca la ceca. Les  12 estrelles de la bandera de la XE arrodien el diseñu (tán en baxu relieve).

     Nota: Como curiosidá, saber qu’esiste una variante de la moneda d’1 euru del 2002 col cantu estriáu discontínuu con 28 ranures (en vez de 29).

     Nel cantu les monedes de 2 euros aparecen 7 castiellos y 5 escudos:

No hay comentarios:

Publicar un comentario