2014: Centenariu de la Gran Guerra

Motivu conmemorativu: 100^u Aniversariu de la I Guerra Mundial

Tirada: 1.750.000                Fecha d’emisión: 25 d’abril

     Bélxica conmemora con esta moneda los 100 años del entamu de la primer Guerra Mundial (1914-1918), concida como La Gran Guerra enantes de qu’españare la segunda.

     Nel intre la moneda aparez una amapola cola fecha 2014-18. L’amapola adoptóse como símbolu del recuerdu d’esta contienda gracies al teniente coronel canadiense John McCrae, autor del poema In Flandes fields (Nos campos de Flandes) de 1915. Debiose tamién a un fechu curiosu: El tarrén flamencu ye per arcillosu, lo que refuguen les amapoles, pero durante la guerra, la gran cantidá de bombes cayíes nel país fixeron que’l tarrén absorviera los restos de nitratu y caliza qu’elles dexaren, lo que facilitó el bayurosu nacimientu d’estes flores. Al final de la guerra, los restos nitrosos foron de nuevu suplantáos pola arcilla y esto fexo desaparecer de nuevu les amapoles. Lleenda: The Great War Centenary; alredor, el nome del país emisor nes sos tres llingües, flamencu, francés y alemán: BELGIE - BELGIQUE – BELGIEN. Baxo la lleenda, les marques de la ceca y el so direutor.  

     Nel aniellu esterior les doce estrelles de la Xunión Europea.