2014: Coronación de Bárbara Celjska

 

Motivu conmemorativu: 600^u Aniversariu de la Coronación de Bárbara Celjska

Tirada: 1.000.000               Fecha d’emisión: 17 payares

     Herman II, Conde de Cilli, y la so esposa la condesa Anna de Schaunberg tovieron 6 fíos (tres homes y tres muyeres); Bárbara yera la menor de les muyeres. Nacía pel añu 1392, foi prometida, por motivos políticos, al rei d’Hungría Sexismundu de Luxemburgu (1368-1437), el cual, col pasu del tiempo sedría tamién rei d’alemaña, Bohemia y emperador del Sacru Imperiu Romanu. El casoriu asocedió en 1405, seguíu de la coronación de Bárbara como reina d’Hungría.  Muyer con grandes aptitudes pala política y la economía, a la par qu’ambiciosa, nun se dexó arrequexar pol so carismáticu maríu, al contrariu, ella tamién algamó los títulos de reina a la par que’l so esposu yera coronáu n’Alemaña (1414) y Bohemia (1437). Tamién tuvo una presencia brillante nel Conciliu de Constanza ( ). Tres la muerte del rei, foi esiliada a Hungría, pero alzose en rebeldía en Bohemia, reafirmando asina el so títulu de reina viuda. Ellí vivió hasta’l fin, morriendo en 1451 y siendo enterrada na sée-catedral de San Vitu en Praga. Tuvo namás qu’una fiya nomada Elizabeth.

     Nel intre la moneda vese el retratu, dibuxáu mediante llínies paraleles, de la reina Bárbara de Celjska, col so cetru. Sobre la imaxe hai tres estrelles de seis puntes, enseña de los condes de Celjska. A manzorga, el nome del país emisor SLOVENIJA y, a mandrecha, la lleenda BARBARA CELJSKA colos años 1414-2014.

     Nel aniellu esterior les doce estrelles de la Xunión Europea.