2016: Bancu Nacional d’Austria

Motivu conmemorativu: 200^u Aniversariu del Bancu Nacional d’Austria

Tirada: 18.000.000               Fecha d’emisión: 16 de xineru

     El Oesterreichische Nationalbank (OeNB) o Bancu Nacional d’Austria ye’l bancu central d’esta república y forma parte del Sistema Européu de Bancos Centrales (SEBC) y de la Eurozona. La so andanza entama en 1816 de la man de Johann Philipp Stadion (conde von Warthausen) durante’l reináu de Franz I, primer emperador d’Austria.

     Nel intre la moneda aparecen dos dioses de la mitoloxía romana grabados delantre del edificiu principal del bancu: a manzorga, Mercuriu, mensaxeru de los dioses amás de dios de los comerciantes y el comerciu; a mandrecha, Fortuna, diosa del destín y la prosperidá, representada con un cuernu de la bayura. Una banda ornamental a los pies de los dioses, asemeya la secuencia bermeya-blanca-bermeya de la bandera nacional austriaca (les llínies verticales solombreaes simbolicen el color bermeyu, según s’establez nes normes de diseñu heráldicu). Los años 1816 y 2016 a la manzorga de Mercuriu faen referencia al añu de fundación del OeNB y al so bicentenariu (aparte de ser tamién indicativu del añu d’emisión de la moneda). Alredor del diseñu aparez el nome del país emisor REPUBLIK ÖSTERREICH y la lleenda 200 JAHRE OESTERREICHISCHE NATIONALBANK (200 años del Bancu Nacional d’austria).

     Nel aniellu esterior les doce estrelles de la Xunión europea.